NEET 2025-ah Mizoram aṭangin mi 1,243 an tling

National Testing Agency chuan June 14, Inrinni khan National Eli­gi­bility cum Entrance Test (UG) 2025 result a tichhuak a, Mizoram aṭanga exam hma­­chhawn­tu mi 2,417 zinga 1,243 (51.43%) an tling.

National Testing Agency-in press release an siama tarlan danin, medical course hrang hrang zir tur thlanna NEET (UG) 2025-ah hian Mizo­ram aṭanga exam zingah Cynthia Lalhlupuii Shangpliang, Falkland Veng chu pakhatna a ni a, ani hi HSLC 2023 leh HSSLC 2025 Science-ah pakhatna a ni ve ve tawh.

NEET (UG) 2025-ah hian mi 22,09,318 an exam a; Mizoram aṭanga rank sang ber Cynthia Lalhlupuii Shangpliang hian mark 96.0882934 (percentile) a hmu a, India ram pumah chuan 85,125-na a ni.