Finance dept. leh Apex Bank-in thawh dunna thuthlung an ziak

Mizoram sorkara provisional employee- te tana siam 'The Mizoram Provisional Employees Savings Scheme 2024' hman dan turah Finance department leh Mizoram Cooperative Apex Bank chuan nimin khan Finance commissioner Vanlaldina Fanai pisaah thawh dunna thuthlung an ziak.

Thuthlungah hian Mizoram sorkar aiawhin Finance commissioner Vanlaldina Fanai-in hming a ziak a, Apex Bank aiawhin chief executive officer A Lallungmuana'n hming a ziak a ni.

Mizoram Provisional Employees Savings Scheme, 2024 hi Mizoram sorkara provisional employee mi 7,000 chuangin an ṭangkaipui tura ngaih a ni a; Apex Bank chuan provisional employee-te hnenah deposit interest rate chu public deposit rate aia sangin an pe dawn a ni.