Lungtianah sikul kai tur an dang

Lawngtlai district chhunga Lungtian Joint Coordination Committee chuan nimin khan zirtirtu sawn chhuah (transfer) duh loin Modern High School-a zirlai leh zirtirtu sikul kai tur an dang.

Lungtian Modern H/S-a zirtirtu H Lalhmingmawia chu Aizawl High School-ah sawn a ni a; hemi chungchangah hian Lungtian JCC chuan May 31, 2025 ral hmaa transfer order sût turin sorkar an phût a, order an sût lo a nih pawhin, a aiawh tur Mathematics zirtirtu nghet (regular teacher) pe turin sorkar an phût a ni.

An thil phûtah sorkar aṭangin chhanna an la dawng lo tih sawiin Lungtian JCC chuan, "Khawtlang mipui zah lohna leh zirlaite hmakhaw ngaih lohna lian takah kan ngai," an ti a; an hmalakna turah khawtlang mipui leh khaw ṭhenawmte ṭawiawmna an ngen.

Lungtian JCC chuan, sikul kai tur dan hian rah ṭha a chhuah loh chuan May 12, 2925 (Ningani) aṭangin total bandh huaihawt a, tiamchin awm loa BRTF kawngpui dan an tum a ni.