Mizorama damdawi-in pahnihin NQAS certification an hmu thar

India rama sorkar damdawi in ṭha tehna, National Quality Assurance Standards (NQAS)-ah Mamit District Hospital leh Bukpui Primary Health an tling thar a; Mizoramah sorkar damdawi-in 21-in NQAS an hmu tawh.

National Health Mission (NHM), Mizoram tarlan danin, Mamit District Hospital hian NQAS tehnaah 86.09% hmuin, NQAS a hmu thar a; NQAS certification hi department pasarih - Accident & Emergency, Blood Bank, Pediatric Ward, Labour Room, Laboratory, Radiology leh General Adminnistration-ahte an hmu a ni. Heti hian Mizorama district hospital pasarihin NQAS an hmu tawh a ni.

Kolasib district-a Bukpui PHC pawhin tehnaah 94.94% hmuin, NQAS a hmu thar a; Mizorama PHC zinga 12-in NQAS certificate an hmu tawh.

Heti hian Mizorama sorkar damdawi-in 21-in NQAS national certificate an hmu tawh a; sorkar damdawi-in dangte'n national certificate an dil mek bawk.