IGNOU Joint Induction Meet

Indira Gandhi National Open University (IGNOU) Govt. Aizawl College Study Centre leh Central YMA Special Study Centre-te chuan, Inrinni khan Central YMA Hall-ah Joint Induction Meet an hmang. IGNOU regional director Dr SR Zonunthara leh CYMA president Lalbiakzuala ten an hmanpui.

IGNOU GAC Study Centre hi kum 1988-ah ṭan a ni a, kumin hian zirlai 1,715 a nei mek. Mizorama centre lian ber a ni a, course chi 31 an nei. Central YMA Special Study Centre hi kum 1988-a ṭan niin, kumin 2016-ah zirlai 30 a nei a; course chi nga an nei mek.

IGNOU hian India ram pumah academic programme 227 neiin, regional centre 67 leh learner support centre 2,981 a awm a, zirlai nuai 281 an awm mek a ni.