PRISM-in Mizoram Watch buatsaih

PRISM chuan Inrinni khan Synod Conference Hall-ah Mizoram Watch vawi 21-na a hmang a; Mizorama Congress party kaihhruai sorkarin kum 2013 inthlan dawna manifesto-a an tarlante tihhlawhtlin a a nih dan an sawiho. Mizoram Watch-ah hian political party tinte sâwm ni mah se, MPC leh BJP-te chiahin aiawh an tír a ni.

PRISM president Vanlalruata chuan, Congress party kaihhruai Mizoram sorkarin an term hmasaa an manifesto-te ṭha taka an bawhzui laiin, tuna term kal mekah erawh chuan manifesto an bawhzui ṭha lo a, an manifesto zinga mi tihhlawhtlin an la nei lo niin a sawi. Mizoram Watch programme hi an general secretary, Dr Lalthakima'n a kaihruai a ni.