BCM ABC inkhawmpui a ṭiak

Baptist Church of Mizoram (BCM)-a inkhawmpui rorelna sang ber dawt-tu, Area Baptist Council (ABC) inkhawmpui chu Mizorama ABC 14-ah October 28, 2016 zan khan ṭan a ni a, nizan khan a ṭiak.

ABC inkhawmpuiah hian Inrinni khan niléngin rorel inkhawm neih a ni a, pastor bial inkhawmpuiin agenda an thehluhte an ngaihtuah. ABC páwn lam thil an pawmte chu BCM rorelna sang ber, Assembly-ah ngaihtuah tura thlen a ni ang.

Inkhawmpuiah hian nimin chawhma inkhawm-ah kohhran upa atana thlan tharte nemngheh an ni a, upa atan mi 140 nem-ngheh an ni. Chawhnuah Lalpa zanriah sakramen kîlho a ni a, zanah vantlang inkhawm neih a ni.