KHAWTHLIR

Pilot kum 50-na

Mizo zinga Indian Airforce pilot hmasa ber, Wg Cdr. J Lalhmingliana chuan pilot a tlin kum 50-na chu October 29, 2016 khan a chenna Kulikawnah a lawm a; J Lalhmingliana pilot nihpuite pawhin hemi ni vek hian Bangalore-ah a lawmna hunpui an hmang bawk a ni.

Thisen pe

October 29, 2016 khan Thingkah unit ṬKP chuan an din champha vawi 65 pualin Lawngtlai District Hospital tan thisen unit 24 an pe a, a petute mipa 22 leh hmeichhia pahnih an ni. Thakthing Branch KṬP-in Synod Hospital tan unit 20 pein, a petute mipa 17 leh hmeichhia pathum an ni a, Chawngte Area Students Union-te'n Lunglei Civil Hospital-ah thisen unit 16 pein, a petute mipa 14 leh hmeichhia pahnih an ni. Bru Students Union, Aizawl-in Aizawl Civil Hospital-ah unit 16 an pe bawk.

Biak-in hawng

Siaha Meisatla venga Evangelical Church of Maraland (ECM) Bethesda biak-in thar chu Inrinni khan Mara rama missionary hnuhnung ber tun thlenga la dam, Rev. Violet Louise Annie Mark-in a hawng.

LC bye-election

Vawiin hian Dawrpui Vengthar Local Council seat khat atan bye-election neih a ni dawn a, zing dar 7 aṭanga tlai dar 4 thleng vote thlak theih a ni ang.

Kawng siam

Zoram Drivers Union, Saitual Town sub-headquarters bultumin Inrinni khan Aizawl leh Saitual inkar kawng chhe zual lai hnatlangin an thawm
ṭha. MNF ṭhalaite chuan tlawhin, JCB hman man atan Rs. 8,000 an pe a, John Halliday-a'n a quarry-a lung a thlawnin a hmantir bawk.

BCM thawhlawm

Baptist Church of Mizoram chuan kumin April-September chhung khan Rs. 21,70,71,271 an hmu.