CYMA-in Lai leh Mara nena Joint Cultural Meet neih rél

YMA Central Exe-cutive Committee (CEC) chu Inrinni khan Central YMA Committee Room-ah an ṭhukhawm a; Aizawhah November 25, 2016-a Lai leh Mara Joint Cultural Meet neih an rel.

YMA CEC meeting hi CYMA president Lalbiakzuala'n a kaihruai a; Siaha Group YMA chu Chhimtuipui Group YMA tia thlak rawtna an pawm a, Saiha chu Siaha tia thlak a nih tak avangin, Saiha khawpuia YMA branch-te chu an hmingah pawh Siaha tih zawk ni tawh se tih rawtna an pawm bawk.

CEC meeting zawhah CYMA office bearer-te chu an ṭhukhawm leh a; YMA group hrang hrangah leh sub-headquarters-ahte November 1, 2016 aṭanga cement mistiri training buatsaih leh an rel.

Cement mistiri trai-ning hi Labour, Employ-ment & Industrial Training department nen ṭangruala buatsaih tur a ni a; Aizawlah chuan mi 50-te floor tile phah zirtir an ni ang a, sub-headquarters-ah chuan mi 100 vel zel trainin tir tum a ni.