Union HRD Minister-in Aizawl a tlawh Governor leh HTE deptt. hotute a kâwm

Minister of state for Human Resource Deve-lopment (HRD) Dr Mahendra Nath Pandey chuan, October 28, 2016 khan zan khat riakin Aizawl a rawn tlawh a; Governor leh Higher & Technical Education (HTE) department hotute a kawm bakah, Mizoram University-a hmeichhe hostel thar a hawng.

HRD Minister hi Octo-ber 28 zan khan Raj Bhavan-ah Larsap Lt. Gen. Nirbhay Shar-ma nen an inkâwm a, Mizorama HRD Mi-nistry hmalakna tur hrang hrang an sawi dun.

Governor chuan Union Minister hnenah hian MZU vice chancellor ruat chungchang te, NIT Mizoram director leh chairman post hnawhkhat tur te, Hindi teacher-te dinhmun te, Kendriya Vidyalaya, Jawaharlal Navodaya Vidhyalaya (JNV) leh Eklavya School-a principal post hnawhkhawh leh buil-ding tihchangtlun chung-changte a thlen a; Hindi tihlârna turin regional centre hawn leh zirtirtute Hindi zirtir thei tura training pek chung-changte a thlen bawk.

Mahendra Nath Pan-dey chuan, Prime Minis-ter-in hmarchhak bial state-te hmasawnna tur a ngai pawimawh thu sawiin, "Central minister-te chu a theih anga tam hmarchhak bial tlawh turin min hrilh a ni," a ti a; Mizoram mamawh thil a hnena a thlente chu a rang thei ang bera a bawhzui tur thu Larsap a hrilh.

HRD Minister hian October 29 zing khan State Guest House-ah Higher & Technical Edu-cation (HTE) minis-ter R Romawia, parlia-mentary secretary H Zothangliana leh HTE department hotute a kâwm a; Mizorama HTE department hmalakna hrang hrang leh harsatna awm ṭhenkhatte an sawiho.

R Romawia chuan, Union Minister hnenah hian scholarship-ah online application a ngaih avangin Mizorama zirlaite'n harsatna an tawh thu te, Rashtriya Uchchatar Shiksha Abhiyan (RUSA) hnuaiah zirtirtu mamawh belh a nih thu te, Mizoram Hindi Training College thuam ṭhat a ngaih thute leh, college pali tichangtlung tura NLCPR kaltlanga sum hmuh tur final instalment pek chhuah chungchangte a thlen a ni.

Union minister Dr Mahendra Nath Pandey hian October 29 vêk khan MZU-ah cheng nuai 578.36 chuang sénga sak hmeichhe hostel sak thar, 'Senhri Hall of Residence' a hawng.

Senhri Hall of Resi-dence hi University Grant Commission aṭanga sum hmuh hmanga sak niin, mi 100 awm theihna a ni a; mi pathum mut theihna room pakua, mi pahnih mutna room 32 leh mi pakhat mutna room 15 a awm. November 2014-ah sak ṭan a ni a, July 31, 2016-ah sak zawh a ni.