Tui-in a lak hmeichhia thi

October 29, 2016 chaw-hnu dar 2 vel khan Lawipu rama Khawhpawp lui lian thutin Upper Republic Veng mi pahnih a la a; pakhat zawk PC Lalhmachhuani (24) d/o Khawlchhuanmawia chu a thi a, Joss Zonunsanga (24) a hliam.

Thu dawn danin, PC Lalhmachhuani leh Joss Zonunsanga te hi Upper Republic Branch KṬP-te Lawipu rama huan sâmfaia an inhlawhnaah an tel a; hna an thawh zawh hnu, chhun dar 12:30 velah chawchhûn fâkin Khawhpawp luiah an kal a, luia an awm lai chuan tui lian thutin a la ta a ni.

Joss Zonunsanga chu tuiin a lakna aṭanga hla vak lo tê-ah a vak chhuak thei a; PC Lalhmachhuani erawh chu tlai dar 4 velah Tlawng lui chhak deuhah thia hmuh a ni.