Lunglei district-a Green-Ag Project hnuaia hmalak nan vbc. 11.9 pawm

Green-Ag Project Mizoram hnuaia Green Landscape Implementation Unit (GLIU) Lunglei Technical Support Group chu nimin khan an chairman Navneet Mann, bawrhsap hoin an ṭhukhawm a; kum 2025-2026 Green-Ag Project hmalakna atan cheng vbc. 11.9 an pawm.

Ṭhutkhawmah hian Green-Ag Project hnuaia loneih, ranvulh, ramngaw humhalh leh a kaihhnawih pêng hrang hranga hmalakna leh hmachhawpte sawiho a ni a; kum 2025-26 atana hmalakna turte sawihoin, hmalakna leh hnathawhna atan cheng vbc 11.9 an pawm a ni.

Green-Ag Project hi Dampa Tiger Reserve leh Thorang Wildlife Sanctuary chhehvel khua 34-ah kalpui a ni a; chungte chu Mamit district-a khaw 21 leh Lunglei district-a khaw 13 a ni.

Kuminah Lunglei district khaw pariata chhungkaw 21 hnenah vawk vulh ṭanpuina (piggery investment) kaltlangin vawkpui sem a ni tawh a, khaw pangaah Mizo hmarcha chingtute tan a chìn dan zirhona, Farmer Field School on Mizo Chilli kalpui a ni. Khaw pakuaah vaimim (maize) chingtute tan Farmer Field School kalpui a ni tawh bawk.