Kawng siamṭhat a nih loh chuan NH-6 & 306-ah lirthei tlantir loh tum

Mizoram Tipper Association (Driver's & Owner's) District Headquarters, Kolasib chuan May 5, Ningani khan Kolasib DC hnenah lehkha thawnin, NH-6 & 306 (Kolasib-Sairang) kawngpuiah June 15, 2025 thlenga hmalakna a awm loh chuan he kawngah hian tlân loh an tum thu an hrilh.

MTA chuan, Mizoram châk lakna ber NH-6 & 306 chu lirthei tan zawh hlauhawm leh chhiatna nasa zawk thleng thei khawpin a chhia a, lirthei khalhtute'n harsatna namênlo an tawh mek thu tarlangin, "Hna thawktute'n hna chak taka an kalpui theih nan hma min lakpui turin kan ngen a che," an ti.

MTA hian June 5-15, 2025 chhunga hmalakna a awm loh chuan NH-6 & 306-ah chak zawka hna thawh a nih theihna atan driver-te leh lirtheia eizawngte hnenah tiam chin awm loin NH-6 & 306 kawngpui zawh lo tura hmalak an tum tih Kolasib DC an hriattir a ni.