Aizawlah Apollo Hospitals Information Centre din

Apollo Hospitals, Kolkata chuan Mizoram aṭanga cancer vei an enkawlte ṭha zawka an vil theih nan Aizawlah Apollo Information Centre an din a, nimin khan Aizawl mayor Lalrinenga Sailo-in a hawng.

Apollo Information Centre hi Dawrpui leh Zarkawt inrìnaah a awm a; Mizorama cancer veite'n Kolkata an pan kher loa Aizawla doctor-te an ràwn theih nan Apollo Hospital doctor-te chu Information Centre-ah an ṭhu ṭhin dawn tih an tarlang.

Apollo Hospital hian vawiin tlai hian Aijal Club-ah Cancer Survivors Meet an buatsaih dawn bawk a; Mizorama cancer vei an enkawl dam tawhte leh oncologist Dr PN Mohapatra leh Dr Saikat Gupta ten hun an hmangho dawn a ni.