Minister-in Chhanchhuahna Camping tlawh

Excise & Narcotics minister Lalnghinglova Hmar chuan nimin khan Sihphir Neihbawiha Synod Revival Camping Centre-a ruihhlo ngaite puala Chhanchhuahna Camping neih mek a tlawh a; kohhran-te'n thil dang thlauhthla chuang loin ruihhlo ngaite chhanchhuahna lam hawi telh telh se a duh thu a sawi.

Lalnghinglova Hmar chuan, ruihhlo donaah sorkar leh khawtlangin theihtawp a chhuah chungin, kohhran a tel chuan lian zawk leh awmze nei zawkin hma a lak theih ṭhin tih a sawi a, "Tuna camping boruak aṭangin ruihhlo ngai chhanchhuah kan mamawhzia a lang chiang a, kohhran pawhin thil dang thlauhthla chuang loin he lam hawi telh telh se a duhawm," a ti.

Minister hi END commissioner Z Lalhmangaiha'n a ṭawiawm a; Synod Revival Committee director Rev. JC Lalramliana leh hruaitu dangte'n an lo dawngsawng. Minister hian a ṭula hman turin pawisa a pe a ni.