Ruihhlo ngai enkawl dan tur sawiho

Ruihhlo ngaite'n anmahni enkawlna ataan an mamawh hmasa detoxification (ruihhlo aṭanga ṭhuah faina) leh basic healthcare (hriselna atana mamawh hmasa) ngaihtuahpui tura Mizoram sorkarin a din, Core Committee on Hulhliap Short Stay Centre chu an chairman Malsawmzuala Ralte, MYC chairman kaihhruaiin nimin khan MYC pisaah an ṭhukhawm a; task group panga an din.

Core Committee on Hulhliap Short Stay Centre hian ruihhlo ngaite'n anmahni an enkawlna atana an mamawh hmasa detoxification leh basic healthcare a ngaihtuahpui dawn a; chumi atan chuan sorkar department leh tlawmngai pawlte Committee-ah hian an tel. Committee hnuaia peng hrang hranga hma la turin task group panga an din a ni.

Task group an dinte chu - Task Group on Medical Services, Task Group on Mobilization & Security, Task Group on Fooding, Task Group on Referral Services leh Task Group on Information & Public Relations te a ni.

Hmalakna tura sum mamawh dante sawiho nghal a ni a; sum mawmawhte a ṭul anga ngaihtuah tlan ni se, an ti. An hmalakna atana sum leh pai leh thil dang hmanga ṭanpuina pe duh tan an inhawn reng thu an sawi bawk.

Sorkar thuchhuah tarlan danin, Hulhliap Short Stay Centre-ah hian ni 15-20 chhung ruihhlo ngaite enkawl a ni ang a; doctor, nurse, damdawi leh psychological service mumal taka pek a ni ang.