Mizoramah leimin leh tuilian vangin in rauhsan 366 a awm tawh
Disaster Management & Rehabilitation (DMR) department-a State Emergency Operation Centre (SEOC)-in district 11 aṭanga nimin tlai dar 4 thlenga report a dawn chinah, May 24, 2025 aṭanga nimin thleng khan Mizoram hmun 626-ah lei a min a; leimin leh tuilian vangin in 366 rauhsan a ni tawh.
SEOC-in June 2, Thawhṭanni tlai dar 4 thlenga leimin report a dawn chu 552 a ni a, nimin tlai dar 4-ah 626 a ni thung a; darkar 24 chhungin leimin report 74 an dawn belh tihna a ni.
SEOC tarlan danin, nimin tlai dar 4 thlenga Mizorama leimin 626 chhinchhiah tawh zinga 209 chu Champhai district-a mi niin a tam ber a, Serchhip district-a leimin 136-in a dawt a; district dangah chuan 10-75 inkar a ni.
Disaster Management & Rehabilitation (DMR) department-a State Emergency Operation Centre (SEOC)-in district 11 aṭanga nimin tlai dar 4 thlenga report a dawn chinah, May 24, 2025 aṭanga nimin thleng khan Mizoram hmun 626-ah lei a min a; leimin leh tuilian vangin in 366 rauhsan a ni tawh.
SEOC-in June 2, Thawhṭanni tlai dar 4 thlenga leimin report a dawn chu 552 a ni a, nimin tlai dar 4-ah 626 a ni thung a; darkar 24 chhungin leimin report 74 an dawn belh tihna a ni.
SEOC tarlan danin, nimin tlai dar 4 thlenga Mizorama leimin 626 chhinchhiah tawh zinga 209 chu Champhai district-a mi niin a tam ber a, Serchhip district-a leimin 136-in a dawt a; district dangah chuan 10-75 inkar a ni.
Leimin vang hian chenna in chim leh chhia 176 a awm a, lei min, khì leh tawlh vangin in 247 rauhsan a ni tawh a; leimin vanga in chhia 45 leh rauhsan 125 chu Serchhip district-a mi a ni. Tuilian vangin chenna in 119 rauhsan a ni a, Serchhip district-ah tuilian vanga in rauhsan 60 awmin a tam ber bawk.
June 2 tlai dar 4 report aṭangin nimin tlai dar 4 report-ah in chim leh chhia 24-in a pung a; lei min, khì leh tawlh vanga in rauhsan 49-in a pung. Tuilian vanga in chhuahsan 27-in a pung bawk.
Serchhip district-ah leimin vanga kawng ping 159 a awm tawh a; Mizoram puma leimin vanga kawng ping 280 aṭangin Serchhip district-a kawng ping hi 56.78% a tling. Hetih lai hian, kawng ping tam ber chu lirthei kal theiha tihtlang a ni tawh.