Bairabi-ah chhungkua insawn chhuak

Tlawng lui lian avangin Bairabi-ah chenna in rauhsan leh bungraw senghawi ngai eng emaw zat a awm a; mahni in aṭanga insuan chhuaka hmun him lam pan, relief camp-a khawsa mek chhungkaw 25 an awm.

Bairabi-ah hian leimin leh lei khi chat vanga harsatna tawk chhungkua eng emaw zat an awm bawk a; chu'ng harsatna tâwkte leh Bairabi khua leh a chhehvela khuarel chhiatna thleng vanga harsatna thlengte chu nimin tlai khan Bairabi SDO Chinlianmanga'n a hmunah a enfiah.

Bairabi SDO hian tarpauline eng emaw zat a sem nghal a; rîkrum thila inven nan Bairabi North YMA leh VC leh, Bairabi South VC hnenah tarpauline a hlan bawk.