Minister-te'n lei chêtna hmun an tlawh

Disaster Management & Rehabilitation (DMR) minister Prof. Lalnilawma leh minister C Lalsawivunga te chuan nimin khan Aizawla lei chêt nasat deuhna hmun hrang hrang an tlawh kual a; hmalak zui zel dan tur sorkar official-te leh khawtlang hruaitute an sawipui.

Minister pahnih hian Aizawla veng paruk - Venghlui, Dawrpui (Temple-Vaivakawn road), Mission Veng Kawltheihuan, Mission Vengthlang (Shalom Baptist biak-in - Tlawng kawng), Kulikawn Vengthlang leh Vaivakawn Zohnuai te an tlawh a ni.

Minister-te hi DMR Secretary, Aizawl DC leh officer dang te, Geology & Mining, PWD, PHE, Power & Electricity, UDPA, IPR leh AMC hotute'n an ṭawiawm a; an kalna hmun apiangah bialtu MLA, corporator leh local council hruaitute'n an lo dawngsawng a ni.