KHAWTHLIR

Electric connection endik a ni dawn

Power & Electricity department chuan June 9, 2025 aṭangin Mizoram pumah electric connection endik rûnpui an nei dawn. PE department aṭanga identity card neite chauh endiktir tur leh ṭha taka lo ṭawiawm turin mipui an ngen a; kawlphetha hman danah felhlel a awm a nih chuan lo insiamṭha turin consumer-te an ngen bawk.

Tito lo turin chah

Siahaa Legal Metrology chuan hriattirna chhuahin, Siaha pawhtu kawngpui hmun eng emaw zatah a pin avanga thil man tito lo turin dawrkaite an chah a; eichawp leh thil dangte rualkhai leh renchem thei ang bera hralh tur leh a hlâwma hralh lo turtein a hriattir bawk. Thil a vàn avanga a man tisangte chu The Legal Metrology Act 2009 leh The Legal Metrology (Package Commodities) Rules 2011 hmanga hrem an nih tur thu a tarlang a ni.

Inven dan tur sawiho

Saitual additional DC Lallawmawma hoin nimin khan tunlaia ruahsur leh thli tleh vanga Saitual district-a kut hnathawktute'n harsatna an tawh theihte leh inven dan tur sawiho a ni. Aizawl district tana Agriculture Contingency Plan siam enho a ni a; Saitual district-ah agriculture leh a kaihhnawihte pualin contingency plan siam ni se, June 28, 2025 hmain DC office-ah thehluha sawiho leh ni se, an ti.

SAGY sawiho

Mamit district bawrhsap K Laltlawmlova hoin nimin khan DC conference hall-ah Mamit district-a khua leh mipui chawikanna tura hmalakna, Saansad Adarsh Gram Yojana (SAGY) kalpui dan thlir let a ni. Mamit district-a scheme kalpuina Damparengpuiah social mobilization, baseline survey, village development plan leh implementation-te kalpui a nih thu an tarlang.