Tuilian vangin inthiar chhuak

Tunlaia ruahsur vangin Tlawng lui a lian mek a; Sairang leh Sairang Dintharah chhungkaw eng emaw zat chu an bungrua thiar chhuah a ni.

Vanglaini thu dawn danin, May 31, 2025 zan aṭang khan Tlawng lui a lian ṭan a, nimin chawhma lam khan Sairang Dintharah chhungkaw pakhat bungrua thiar chhuah niin, nimin chawhnu lam thleng khan chhungkaw pali bungrua thiar chhuah a ni tawh.

Sairangah pawh chhungkaw 10 vel chu hmun him lamah an bungrua thiar chhuah a ni tawh a; Tlawng lui a len belh zel chuan bungraw thiar chhuah ngai an awm belh tura ngaih a ni.