Raltlante Myanmar ID card kawlsak

Lunglei Electric Veng Local Council chuan an veng chhunga Myanmar aṭanga raltlan awmte Myanmar identity card (ID) laksakin an kawlsak.

Lunglei Electric Veng LC hian tun hnai khan an veng chhunga raltlan awmte chu an awmna hmunah kal chilhin, Myanmar ID card laksakin an kawlsak a ni. ID card nei lote chu nei vek turin an hriattir a, hun tiam chhunga an neih loh chuan an vengah awm an remtih dawn loh thu an hrilh.

Raltlante'n an duh hun huna Mizoram leh Myanmar an kàr tawn chu ṭha ti loin Lunglei Electric Veng LC hian an Myanmar ID an kawlsak a, ṭul bik thil emaw, Myanmar-a an haw hlen dawnah emaw an ID card chu pek let an tum a ni.

Lunglei Electric Veng LC hian an veng chhunga Myanmar raltlan awmte'n an duh ang hun leh an remchan hun apianga an veng leh Myanmar ram an kar tawn reng thei chu ruih theih thil bakah, khawtlang mipui tan thil ṭha lo dang a thlen theia an hriat avangin hetiang hian hma an la a ni.