Mi 141 dinhmun endik tawh

Healthy Lunglei District Campaign kalpui mekah Lungsen Aspirational Block huam chhunga Lungsen, Zawlpui, New Vuakmual, Putlungasih, Kauchhuah leh Phairuangchhuah khuaahte health camp buatsaih a ni tawh a, mi 141 hriselna dinhmun endik a ni tawh.

Healthy Lunglei District Campaign hi kumin May - June thla chhung kalpui tura ruahman a ni a, thisen sang leh zunthlum endik zat turin kum 30 chin chunglam mi 3,000 aia tlem lo tinzawn a ni. Natna inkai chhawn theih loh (non-communicable disease) chungchang inzirtir hun hman ṭhin a ni bawk.