MZU-ah Exhibition buatsaih

Kiran Nadar Museum of Art, NewDelhi leh Mizoram University-a Department of Education chuan nimin khan MZU Auditorium-ah microSPILLS – Pop-up Art Exhibition an buatsaih ṭan a, May 23, Zirtawpni thleng a awh ang.

MicroSPILLS Pop-up Exhibition-ah hian lemziak thiamte’n India hmarchhak bial mite harsatna tawh langsar zualte lemziak hmanga an tarlante pho lan a ni a; MZU zirlai pali leh hmun danga mi 11, an vaiin mi 15-te kutchhuak a ni. Exhibition hi chawhma dar 10 aṭanga tlai dar 5 thleng hawn ṭhin a ni dawn a, a duh apiang tan tlawh theih a ni.