Union MoS-in sikul leh museum a tlawh

Zan hnih riaka Mizoram rawn tlawhtu, sorkar laipuia Skill Development & Entrepreneurship leh Education changtu minister of state Jayant Chaudhary chuan nimin khan Chanmari, Aizawla PM Shri Model English Primary School leh Mizoram State Museum a tlawh a, a nupuiin a ṭawiawm.

Education minister Jayant Chaudhary hian PM Shri Model English Primary School classroom-te tlawh kualin, zirtirtute leh zirlaite a kâwm a; ei siamna hmunte a fang kual bawk. Minister chuan, ei siamtute chu an thawk ṭha nia a hriat thu a sawi.

Jayant Chaudhary hian Mizoram State Museum a tlawhnaah, museum chu hnam nunphung leh khawsak dan hriat theihna tura thil pawimawh a nih thu sawiin, Mizo thil pawimawh chi hrang hrangte State Museum-a vawn ṭhatte chu hlu a tih thu a sawi a ni.

Union Minister hi Union Minister hi Mizoram Education minister Dr Vanlalthlana te nupa, School Education secretary David Lalthantluanga, additional director Lalhmachhuana leh officer dangte pawhin an ṭawiawm a; nimin chawhnu khan New Delhi an pan a ni.