Air raid civil defence mock drill nei

Nizan khan Lunglei, Serchhip leh Saitualah chuan an district-a District Disaster Management Authority (DDMA)-te bultumin air raid civil defence mock drill blackout neih a ni a; nimin chhun khan Siahaah civil defence mock drill neih a ni bawk.

Siahaah chuan nimin chawhma dar 11:30 khan Siaha Higher Secondary School-ah boruak aṭanga beihna (air raid) mock drill neih a ni a; boruak aṭanga beih a nih avanga sikula biru zirlaite leh hliamte chu Quick Response Team (QRT), Fire department, Health department leh Police ten chhan chhuakin an buaipui a ni.

Nizan khan Lunglei khawpuiah dar 8:30 - 8:35 inkarah blackout hun hman a ni a; Serchhipah zan dar 8:30 - 8:35 inkar leh Saitualah chuan zan dar 6:30 - 6:33 inkarah blackout hun han a ni bawk. Blackout hman hi mipuiin an zâwm ṭha nia thu dawn a ni.