Hmeichhe himna dan zirho

Synod Hospital chuan nimin khan College of Nursing multipurpose hall-ah an damdawi-in leh Nursing College-a thawktu leh zirlaite pualin hmeichhiate tana hnathawhna hmun him leh ralmuang siamna tur dan, ‘The Sexual Harassment of Women at Workplace (Prevention, Prohibition and Redressal) Act 2013' zirhona an buatsaih.

Zirhona hi Synod Hospital medical superintendent Dr Lalnunnemi'n a kaihruai a, chaplain Rev. Lalvulluaia'n hunserh hmangin, director Dr RL Sanghluna'n a hawng. Women & Child Development deputy director Flora Lalṭanpuii'n kal khawmte chu thil pawimawhte a hrilhfiah. Training hi May 23, 2025 thleng neih a ni ang.