Mizo hlang awmna Territorial Army Company pahnih din a ni dawn

Mizoram sorkar chuan tun hnai khan Mizoram Territorial Army Battalion (Home & Hearth) din tura ram ngaihtuahtu tur committee a din. Lt. Col. Clement Lalhmingthanga, MLA chuan May 13, 2025 khan Territorial Army company pahnih, Mizo hlang awmna din a nih dawn thu a sawi.

Home Secretary chuan May 13, 2025 khan notification tichhuakin, Coordination & Land Search Committee for Establishment of Mizoram Territorial Army Battalion (Home & Hearth) Battalion din a nih thu a tarlang. Committee-ah hian chairman chu Lt. Col. Clement Lalhmingthanga, MLA a ni a, member secretary chu Home Secretary a ni.

Committee member-te chu GAD Secretary, Revenue Secretary, Planning Secretary, PWD Secretary, Finance Secretary leh Sainik Welfare & Resettlement Director te an ni.

Committee chairman atana ruat Lt. Col. Clement Lalhmingthanga chuan May 13, 2025 khan Mizoram Ex-Services League (MESL) ṭhutkhawmah Territorial Army company hnih, Mizo hlang awmna din a nih dawn thu a sawi.

Lt. Col. Clement Lalhmingthanga chuan, chief minister Lalduhoma hmalakna zarah Mizoram chhunga awm tur, Mizo hlang awmna Territorial Army company pahnih din a nih dawn thu sawiin, "Hemi atan hian June 2025 aṭangin district wise-in recruitment rally neih a ni dawn," a ti a; sorkar laipuiin Mizote tana battalion-a quota a siam zat hnawhkhat thei turin Mizo ṭhalai a tam thei ang ber recruitment rally-ah hian tel turin a sáwm a ni.