Chief Minister-in mipui tana phurrit loa Fee bituk turin private school-te a chah

Mizoram Independent Schools Association (MISA) chuan nimin khan Vanapa Hall-ah intawh-khawmna an buatsaih a; khuallian, chief minister Lal Than-hawla chuan, private school-te chu mipui tana phurrit ni lo tur fee bituk turin a chah.

Intawhkhawmna hi MISA presi-dent Lalthlamuana'n a kai-hruai a; Chief Minister chuan, "Mimal sikul fee chungchangah sorkarin thu nei chiah lo mah se, an fee hi mipui tan phurrit ni lo a, harsa zawkte hmakhua ngaihtuah chungin sikul neitute inpuahchah se ka duh. Right to Education hi dan a nih avangin, he dan hnuaia mi harsa zawk fate pawhin sikula an luh thei dan remruatna ṭha tak siam chu ram leh hnam tan pawh thil pawimawh tak a ni," a ti.

Lal Thanhawla chuan, zirna in ṭhenkhat leh mimal zirlai naupang tana hostel siamte chu sumdawnna maia ngai lo a, hostel enkawl kawnga sorkarin dan a siamte zâwm turin a chah.

Intawhkhawmnaah hian MBSE chairman Rev.Dr Lalchungnunga leh Indian Tobacco and Health, Mizoram Chapter president Lal Riliani te pawhin thu an sawi.

Tun dinhmunah Mizorama private school-ah zirlai naupang 1,39,127, zirtirtu 7,563 leh staff 2,500 vel an awm a ni.