Civil Defence Control Room tinung

India leh Pakistan inbeih mek vanga chhiatna a thlen palha mipuite'n rang taka sorkar an biakpawh theihna turin Lunglei leh Khawzawl district bawrhsapte chuan Civil Defence Control Room tihnun a nih thu an puang.

Lungleiah chuan DC office-a DMR Branch-ah Civil Defence Control Room siam a ni a, phone number 0372-2323635-ah biak theih a ni. Khawzawl Civil Defence Control Room pawh phone number 6909136938-ah biak theih a ni a; Serchhip Additional DC pawhin rîkrum thilah District Emergency Operation Centre phone number 9862116104 & 8119978919-ah biak theih a nih thu a tarlang.

Phone number tarlante bakah hian Emergency Operation Center number 1077 (toll free) kaltlangin Civil Defence Control Room-te leh District Emergency Operation Centre biak theih a ni a; thil zawhfiah duh leh emergency thil thleng engpawh control room phone number-ah thlen theih a nih thu tarlan a ni.