Mizoram CSR Cell an ṭhukhawm

May 9, Zirtawpni khan Mizoram CSR Cell chu an chairman TBC Lalvenchhunga, adviser to chief minister hoin an pisaah an ṭhukhawm a, an hmalak tawhnate thlirletin, hmachhawp an neihte an sawiho.

Ṭhutkhawmnaah hian Confederarion of Indian Industries (CII) aṭanga capacity building programme for NGOs / CSR implementing agency nei tura sawmna an pawm a, June thlatir lama neih an rel.

Secretary CSR Cell-in PSU leh company-te hnena lehkha a lo thawnchhuah tawh, Mizorama hma la tura sawmnate report an ngaithla a, Mizoramah CSR fund hmang thei registered society an pun theih nana awareness atan group discussion recording, IPR department kaltlanga neih ni se, an ti.