Deputy Speaker-in buhfai a sem

Assembly deputy speaker Lalfamkima, Kolasib bialtu MLA chuan May 10, Inrinni khan Pangbalkawn community hall-ah Pangbalkawn khuaa chhungkaw 47-te hnenah buhfai ip khat ṭheuh a sem a; kut hnathawktute tan sorkar a din zel dawn thu a sawi.

Lalfamkima chuan, kum khat chuang hlek chhungin ZPM sorkarin sawhthing leh hmuhphiahte a lei thu leh lei zel a tum thu a sawi a, "Kut hnathawktute tan sorkar a ding zel dawn. Chutihrual chuan, vawi leh khatah sorkar hmalakna zawng zawng a fel duak duak thei lo a, sorkar hmalaknate erawh chak taka kalpui mek zel a ni," a ti.

Sorkar thawh rahte chu a lothlawnin a ral dawn lo tih sawiin Lalfamkima chuan, "Kut hnathawktute tan sorkarin theihtawpin a bei zel dawn a, ration card pawh kan dinhmun azir zelin kan awmna tur sorkarin a rawn ruahman zel dawn," a ti. Mizoram Universal Health Care Scheme-ah inziak lut vek turin kal khawmte a chah bawk.