KHAWTHLIR

KṬP-in thisen pe

KṬP, Lunglei Venglai Bial chuan May 10, Inrinni khan a thlawna thisen pek an huaihawt a; Lunglei Civil Hospital-ah thisen unit 30 an pe a, petute mipa 25 leh hmeichhia panga an ni.

Nute Ni hmang

Nimin Pathianni kha Mother's Day (Nute Ni) a ni a, Mizoram hmun hrang hrangah hman a ni. Salvation Army corps hrang hrangte chuan biak-inah an hmang a, nute chawimawina atan thilpek an hlan. Hmun ṭhenkhatah chuan Zahngaihna Ṭhutphah hmaah nute'n an fate an ṭawngṭaisak bawk.

Lok Adalat buatsaih

Serchhip District Legal Services Authority chuan May 10, Inrinni khan Serchhip District Court-ah National Lok Adalat an buatsaih a; judicial magistrate first class Josangzeli Tlau-in kaihruaiin thubuai 56 lut zinga 19 an chingfel. Thubuai an chinfel hlutna chu Rs 13,03,041 a ni.

Chetsualnaah thi

Johan Malsawmdawng-kima (35) s/o Lalkhama, Hnahthial, Zemabawka khawsa mek chu nimin chhun khan Zotlang East leh Saibu inkarah truck-in a chesual a, chetsualna hmunah a thi. Truck hi kawng sirah a let a, Johan Malsawmdawngkima hi a delh nia thu dawn a ni.