MP Richard-a'n Union Minister a ngen

Lok Sabha MP Richard Vanlalhmangaiha chuan May 7, Nilaini tlai khan Union Road Transport & Highway minister of state Ajay Tamta chu a chenna inah a kâwm a; Mizorama kawngpui pawimawhte ruahsur tam hmaa a theih ang anga siam tur leh ruahtui tamna hmun a nih avangin a tam thei ang ber concrete (rigid pavement)-a siam turin a ngen.

Richard Vanlal-hmangaiha hian Mizoramah ruahtui tlak hun chhung a rei thu sawiin, "Tuna Mizoram châk lak luhna ber national highway (NH) 6, Vairengte leh Sairang Buichali inkar siamṭhatna tura hmun ṭhenkhata tender chhuah tawhte a rang thei ang berin, fûrpui thlen hma ngeia a tam thei ang ber siam hman a ṭul," a ti.

Mizoram chu ruahtui tamna hmun a nih avangin kawngpuite a lo tlo zawk theih nan a tam thei ang ber concrete (rigid pavement)-a siam a nih theih nan hma lakpui turin Lok Sabha MP chuan Union Minister a ngen a; concrete pavement chu Mizoram sorkar leh Chief Minister duh dan a nih thu a sawi bawk.

Ajay Tamta hian MP Richard Vanlalhmanghaiha thu thlente-ah theihtawp a chhuah tur thu a sawi a ni.