Ran vulhtute harsatna sutkian tum

AH&Vety secretary C Lalpek sanga hoa Task Force of AH&Vety Department on Covid 19 nimin ṭhukhawm chuan hri léng vanga mipui leh ran vulhtute'n harsatna an tawhte sutkian a nih theihna tur an ruahman.

Ran vulhtu harsatna neite tan leh meeting thurelte a hlawht lin theihna atan AH&Vety chuan helpdesk an buatsaih a, en kawl turin deputy director Dr Lalhmingthanga, mobile phone no. 9436142315 leh veterinary offi cer Dr Thangzadinga, mobile phone no. 9436151944 te an ruat a ni.

• Ran chaw (concentrate feed) lei leh hralh chungchanga harsatna awmte sukiang turin local level task force, firm hrang hrang leh official-te'n ruahmanna an siam ang. 

• Ar puah sa a hlawma buat saih turte chu AH&Vety department-a meat inspector-te vilna hnuaiah buatsaih tur a ni. 

• Bâwng talh tur a awm mai tawh loh avangin Vaphai khuaa dah khawm sa chu Aizawla phurh luh dan tur ruahmanna siam a ni.

 • Vawk hi a hlâwma talh tur neih mekte local task force leh meat inspector-te enpuina hnuaiah sawngbawl tur.