Boruak thlir chungin sikul kai hun ruahman a ni ang - Education Minister

School Education minister Lalchhandama Ralte chuan, Covid-19 avangin school calendar siam sa angin academic session thar atan sikul kai ṭan theih a nih dawn loh thu sawiin, "Boruak thlir chungin sikul kai hun ruahman a ni ang," a ti.

Vanglaini palai zawhna chhangin Minister chuan, school calendar ruahman sa ang chuan April 1, 2020 hi sikul kai ṭan hun a nih thu a sawi a, "Sorkarin lockdown a puang a, lockdown zawh hun tur hi April 14, 2020 a nih avangin ruahman sa angah chuan sikul kai theih a ni dawn lo," a ti a; boruak leh India ram dinhmun thlir reng a ngaih avangin sikul kai hun turah ruahmanna siam theih a la nih loh thu a sawi.

Lalchhandama Ralte chuan, higher secondary school leaving certificate (HSSLC) exam hmachhawn zingah Covid-19 vanga exam zo hman lo an awm tih sawiin, "Ṭhenkhatin an zawh hman laiin, subject pakhat zo hman lo an awm. Harsatna a kian hunah exam buatsaih leh a ni dawn a, chumi hmachhawn thei tur chuan zirlaite inbuatsaih turin kan chah a ni," a ti. Covid-19 léngin Mizoram zirna a nghawng dan zawhna chhangin School Education Minister chuan, Covid-19 vanga lockdown kalpui lai chu sikul chawlh lai a nih avangin hriatthiam a la harsat rih thu a saw