Combined Competitive Exam-ah 34 tling

Mizoram Public Service Commission (MPSC) chuan nimin tlai khan Combined Competitive Examination 2024 result a tichhuak a; Mizoram Civil Service (MCS), Mizoram Police Service (MPS), Mizoram Finance & Accounts Service (MFAS) leh Mizoram Information Service (MIS) atan mi 34 an tling.

MPSC Combined Competitive Examination 2024-ah hian October 22-25, 2024 chhungin main exam buatsaih a ni a, April 22-30, 2025 chhungin personal interview neih a ni.

MCS atan mi 15 tlingin, chung zinga pakhat chu rualbanlo quota-a lut a ni a; MPS atan mi pariat, MFAS atan mi pariat leh MIS atan mi pathum an tling a ni.