MPCC-in Ronald Sapa Tlau an sûn

Mizoram Pradesh Congress Committee chuan nimin khan Congress Bhavan-ah an vice president Ronald Sapa Tlau sûnna hun an hmang.

MPCC president Lal Thanzara chuan, Ronald Sap Tlau chu thawhpui nuam leh ram leh hnam tana theihna zawng zawng hlan ṭhin a nih thu a sawi a, "Nangmah thlahna leh ui thu siam a ngai ta mai hi pawi ka tiin min ṭhâwng tak zet a ni. He i taksa boralna hian Congress party nasa zawka ram leh hnam tana rim taka thawk turin min tichak thar rawh se" a ti.

Congress party chuan, "Hun lo taka kan vice president Pu Ronald Sapa Tlau-in April 30, 2025-a min boralsan mai hi kan ui tak zet a, a kalsan tak a nupui fanaute Pathian awmpuina leh thlamuanna kan dilsak e," an ti a; Ronald Sapa chu khawngaihna ngah leh miretheite ngaihsaktu a nih thu leh, MP a laiin Ambedkar Foundation kaltlangin cancer leh kal (kidney) ṭha lote'n amah avangin a thlâwnin inenkawlna an dawn phah thu an tarlang.

Inkhawmah hian Ronald Sapa Tlau sûnna atan minute khat chhung ngawi rengin an ding a; Congress party flag a ngul chanveah zàr a ni bawk.