Lungleia rualbanlote tana remchang siam dan PwD Commissioner-in endik

Persons with Disabilities (PwD) commissioner Vanlaldiki Sailo chuan April 29, Thawhlehni khan Lungleiah DC pisa, Civil Hospital, Christian Hospital, Lunglei Muni-cipal Council pisa, Lunglei College leh Lunglei Higher Secondary School te a tawh a; rualbanlote tana veivah awlsamna an siam dan a endik.

PwD Commissioner-in a endikna hi access audit tih a ni a; hmun endikahte hian rualbanlote tana awlsam zawka veihvah theihna turin ramp, lift leh vawnbán a awm leh awm loh te, ṭhutna bik zuah a nih dan te, awlsam zawka an hman theih tur inthiarna (toilet) leh lehkha târna a awm leh awm loh te, mamawh an thlenna tur grievance redressal officer ruat a nih leh nih lohte endik a ni.

Vanlaldiki Sailo chuan, rualbanlote awlsam zawka an veivah theih nan kum 2015 khan Prime Minister-in Access India Campaign a hawng tih a sawi a; "Rights of Persons with Disabilities Act, 2016 hnuaiah vohbikte'n awlsam zawka public office leh damdawi-in an dàwr theih nan leh zirna-inah awlsam zawka an kai ve theih nan dikna leh chanvo an nei a, an chanvo dik tak an chan theih nan ṭan lak tlan a ngai," a ti.

Access Audit team hi Lungleia Social Welfare officer CL Joseph, PWD executive engineer Zodingliana, DC office superintendent Lalsiam-thari Bawitlung, Samagra Shiksha assistant project officer Lalhmachhuani leh officer dangte'n an ṭawiawm a ni.