Naktukah Lungleiah total bandh

MZP, Head-quarters, Lunglei chuan nimin khan Pukpui dai leh Hrangchalkawnah kawngpui an dang leh a, ni thum an danna a ni. Sorkar aṭangin thu lawmawm an la dawn loh avangin naktuk Zirtawpni-ah Lunglei khawpuiah total bandh an huaihawt dawn.

Lunglei aṭanga thu dawn danin, nimina kawngpui dannaah hian tlan tlang dil an tam avangin Chief Minister leh Lunglei MLA palite phone number an tár a; lirthei ṭhahnem tak an tangkhang tawh a ni.

Lunglei MZP-te chu nimin tlai khan ṭhukhawmin, an kal zel dan tur an rêl a; kawngpui dan chu nimin tlai dar 6 khan an titàwp lailâwk a, naktukah zing dar 6 aṭangin total bandh huaihawt an rêl a ni.