Pope Francis sûnna hun hmang

Pope Francis chu April 26, Inrinni khan Vatican-ah vui a ni a, Aizawlah pawh Christ the King Cathedral-ah sûnna hun hman a ni.

Vatican City-a Pope Francis vuina neih rual hian khawvel hmun hrang hranga Catholic kohhrante'n sûnna hun an lo hmang ve a; Mizoramah pawh Christ the King Cathedral-ah hman niin, Aizawl bishop Most Rev. Stephen Rotluanga hoin hun hman a ni.

Christ the King Cathedral-a sûnna inkhawmah hian puithiam leh mipui ṭhahnem tak an tel a; Rev father Jerome Vungbiakdika'n Pope Francis chanchin a sawi.