MDR-TB vei mi 150 vel enkawl mek

Mizorama district TB officer-te leh National Tuberculosis Elimination Programme (NTEP) hnuaia thawkte tan nimin khan Aizawl West CMO hall-ah Multi Drug Resistant (MDR) TB damdawi thar, BPaLM leh TB Preventive Therapy chungchang inzirtirna buatsaih a ni a; Mizoramah MDR-TB vei mi 150 vel enkawl mek an nih thu an tarlang.

Training hi state TB officer Dr Zochhuanawmi'n a kaihruai a, State TB Cell-a medical officer Dr Vanzarliana'n thil pawimawhte a zirtir. Tarlan danin, MDR-TB damdawi thar - Bedaquiline, Pretomanid, Linezolid and Moxifloxacin (BPaLM) chu India rama MDR-TB damlo mi 75,000 velin an chhawr dawn a, Mizoramah pawh MDR-TB vei mi 150 vel an awm.

BPaLM hi damdawi ei chi pali - Bedaquiline, Pretomanid, Linezolid leh Moxifloxacin inpawlh a ni a, MDR-TB natna enkawlna atana siam thar a ni. MDR-TB damdawi hman pangngai chu kum hnih vel ei a ngai ṭhin a, BPaLM erawh chu thla ruk chhung ei tur niin, natna enkawl dam theihna (success rate) a sàn bakah, side effect a awm tlem zawk tura ngaih a ni.