Book of the Year 2024 - Hun Inher Kara Zofate

Mizo Academy of Letters (MAL) chuan kum 2024 chhunga Mizo ṭawnga lehkhabu chhuak zinga ṭha ber, Book of the Year atan ‘Hun inher kara Zofate' tih, F Vanlalrochana ziah an thlang.

MAL hian kum 2024 chhunga Mizo ṭawng lehkhabu chhuak zinga ṭha ber an thlannaah hian lehkhabu 215 an endik a; top 20, top 10 leh top 3 an thlan hnuah Book of the Year tur an thlang a ni. Book of the Year 2024 lawmman chu April 23, 2025 khian MAL Foundation Day lawmnaah hlan a ni ang.