Sikul kâi hun tur siam rem

Council of Minister-in sikul kai hun tihdanglamna an pawm hnuah, School Education Secretary chuan October 5, 2016 khan notification tichhuakin, sikul kai hun tura ruahmanna siam tharte a puang.

Sikul kai hun tura ruahmanna thar siam hi sorkar sikul bakah, deficit, adhoc, aided, lumpsum grant leh mimal sikulte pawh zâwm vek tura tih an ni. Ruahmanna tharah chuan, sikul kai hun hi chi hnih, thlasik leh nipuiah ṭhen a ni a; nipui chu February 16 aṭanga October 15 a ni a, thlasik chu October 16 aṭanga February 14 a ni.

Sikul kai hun tur primary tan nipuiah zing dar 8 aṭanga tlai dar 1, thlasikah zing dar 8:30 aṭanga tlai dar 1:30; middle school tan nipuiah zing dar 8 aṭanga tlai dar 2, thlasikah zing dar 8:30 aṭanga tlai dar 2:30; high school leh higher secondary tan nipuiah zing dar 8
aṭang tlai dar 2:30 leh thlasikah zing dar 8:30 aṭanga tlai dar 3 a ni.