KHAWTHLIR

Kohhran ṭhalaite'n thisen an pe

April 5, Inrinni khan kohhran ṭhalai pawl pangain thisen unit 155 an pe. SAY, Central South Division-in ZMCH tan unit 41 pein, petute mipa 28 leh hmeichhia 13 an ni a; ṬKP, Zemabawk Bial-in Civil Hospital tan unit 33 pein, petute mipa 28 leh hmeichhia panga an ni. KṬP, Lily Veng North Branch-in Synod Hospital tan unit 30 an pe a, petute mipa 28 leh hmeichhia pahnih an ni a; KṬP, Serchhip Chhimveng Branch-in District Hospital tan unit 11 an pe. PYD, Cherhlun Bial member mipa 34 leh hmeichhia parukin Lunglei Civil Hospital tan unit 40 an pe bawk.

Thlai rûk khap

Khawzawl SP F Lalbiakzauva chuan hriattirna chhuahin, mi huan thlai rutu leh lo leisaktute chu dan bawhchhia an nih avangin dan hmangin hrem theih leh jail-a tàntir theih an nih thu leh tunlai hian Khawzawlah huan thlai leh thil dang inrûksak a hluar thu a tarlang a ni.