Police-in inkhawmpui an hmang

Mizoram Police chuan April 3-4, 2025 chhung khan Police Headquarters-a Multipurpose Hall-ah Police Conference an hmang a, nimin khan Home minister K Sapdanga'n a hmanpui.

Home Minister chuan, police-ah hmun ruak a tam thu a sawi rualin, "Mihring kan inlak belh hmain a awm sate hman tlak leh hman theih tura insiamṭhat hmasak a pawimawh," a ti a; hriselna chungchangah leh transfer & posting chungchangah hma la a, ṭan la thar turin a fuih.

Unit tina hotute chu an hnuaia infrastructure leh staff welfare chungchangah ṭan la thar tur leh hma la

vat zel tura chahin K Sapdanga chuan, "Police-te hi thla 13 hlawh la thei work force kan ni a, chu chu kan hnathawhna leh kan achievement-ah a lang tur a ni," a ti.

Home Minister hian Mizoram Police mi leh sa hna thawk ṭha mi 36 hnenah DGP reward leh mi pathum hnenah DGP commendation a hlan.

Mizoram Police Conference-ah hian Mizoram Police hnuaia unit head - SP leh commandant zawng zawng bakah, district tin aṭangin SDPO pakhat ṭheuh, battalion tin aṭangin assistant commandant pakhat ṭheuh leh unit tin aṭangin inspector pahnih ṭheuh an tel a ni.