Education Minister-in CIET a tlawh

Education minister Dr Vanlalthlana chuan nimin khan New Delhi-ah Central Institute of Educational Technology (CIET) a tlawh a, National Council of Educational Research and Training (NCERT) hotute nen an inkâwm.

Dr Vanlalthlana chuan, Mizoramah ZPM sorkar a pian hnua an hna hmasa ber pakhat chu sorkar hnathawk aikal lak tihtawp leh pisa kai hun dik taka kenkawh a nih thu a sawi a, "Hemi atana hmanraw ṭha ber chu technology a ni," a ti a; Mizoram sorkarin sorka hnathawkte tan KAI app a hman mek thu sawiin, "VSK (Vidya Samiksha Kendra) nen zirtirtute hman bik tura thlun zawm (integrate) tum mek a ni," a ti.

NCERT hotute'n zirna hmanrua pangngai baka inzirtirna (alternative learning system) an kalpui dan te, DIKSHA portal kaltlanga digital education content siama dah a nih dan te, zirlai leh zirtirtute tana educational technology hman ṭangkai a nih dante an sawifiah a; chung atana hna an thawh dante hmunah an tlawhpui a ni.

India ram pum huapa VSK kalpui dan leh Mizorama hman a nih dante sawiho a ni bawk a; VSK hi technology leh data analytics hmanga school zirtirtute leh school dinhmun en thlithlaina a ni.