CM-in kawng leh hmun a enfiah

Chief minister Lalduhoma chuan nimin zing khan Zuangtuia PWD hmunhma leh Zemabawka RIPANS panna kawng a enfiah a; PWD minister Vanlalhlana leh bialtu MLA Lalthansanga, minister ten an ṭawiawm.

Sorkar thuchhuah tarlan danin, Zuangtui khawtlangin an venga sorkar middle school leh primary school chu lei tlahniam huam chhungah hun rei tak a awm tawh avangin thawm ṭhat zui atan him tawh loah an ngai a, Zuangtuia PWD ram ṭhenkhat chu sikul hmun atan ruahman turin sorkar an ngen a ni.

Zuangtuia PWD ram, sikul hmun atana School Education department hnena pek chungchang chu dan anga dilna thehluh a nih hunah ngaihtuah zui tura tih a ni a; RIPANS panna kawng chu sorkarin siamṭhat tura thu a dah tawh a nih avangin a rang lama siam tura tih a ni bawk.