Manipur aṭanga lirthei khalhtute Mizoramah fimkhur turin chah

Ngopa Police-te chuan nimin khan Churachanpur leh Lamka, Manipur aṭanga Mizoram lama lirthei khalh lut ṭhinte chu NE Khawdungsei leh Khawkawn inkarah chhawng thuma lo tidingin, Road Safety Campaign an lo neihpui.

Road Safety Campaign-ah hian police-te chuan Manipur lam aṭanga lirthei khalh luttute chu Mizorama lirthei khalh dan kalphung leh traffic rules-te an hrilh a; The Motor Vehicle Act 1988, The Central Motor Vehicles Rules 1989, The Motor Vehicles Driving Regulations 2017 leh The Mizoram Motor Vehicles Rules 1995-a hriat tur pawimawh zualte an hrilhfiah a ni.

Churachandpur district lam aṭanga Mizorama lirthei khalh luttute chu fimkhur leh hawihhâwm taka lirthei khalh ṭhin tur te, khaw chhungah rêng rêng tlan chak lo tur te, lirthei lehkha pawimawhte a nung ngei nei tur leh, Mizoram chu tlang ram a nih avangin tlan chak lo turtein an chah bawk.