Hnam dang 21 mante Mizoram chhuahsan tum an nia hriat a ni

Nimin zing lam khan Bil khawthlir South Village Task Force dutyte'n Bilkhawthlir ram chhunga Phaiphengah hnam dang (vai) mi 21 an man a; thu zawhfi ah hnuah leh fi nfi ah hnuah state páwn aṭanga Mizorama lut thar ni loin, Mizoram aṭanga an khuaa haw tum an nih thu dawn a ni. Kolasib-a sorkar hotute sawi danin, hnam dang 21-te hi Inrinni zan dar 10 velah truck pakhatin an khuaa haw turin  Aizawl an chhuahsan a, an zinga pakhat chu North Tripura lama haw tum niin, mi dang 20te chu Karimganj lama haw tum an ni. Kolasib thlang, Rengtekawn bul Zero Point-ah truck driver chuan a phurh zui ngam loh avangin a chhuktir a, Saihapui-K lamah kein an kal a, khua an hêl zel a, Phaipheng ramhnuaiah  task force duty-te'n hmuin an lo man ta a ni. Mi 21 zinga 12-in Inner Line Permit (ILP) an nei a, pakua chuan temporary ILP nei mah se, a nung tawh lo thung. Kolasib lama sorkar offi cial-te'n an buaipui zui a ni.